今個農曆新年齊齊同小新笑住過！繼《蠟筆小新劇場版：傳說召喚 3分鐘百變大進擊》後，同樣未曾在香港戲院上映的《蠟筆小新劇場版：傳說召喚 Amigo！森巴入侵計畫》，將於2月1日大年初一於網上影院let’SEEE 奌・睇上映，以日語原聲及粵語配音版，同大家拜年！而喺初一至初三期間，只要喺購票時輸入新年利是優惠碼「CSCNY28」，即可享有28%OFF優惠！
都市傳說遇到「另一個自己」係不祥之兆，類近嘅「複製人」一說亦喺春日部盛傳！當「複製人」逐漸逼近，會有乜嘢不幸事件連環降臨喺野原一家同春日部防衛隊身上？今個新年，同小新一起森巴舞！
故事大綱
喺屋企同你講「歡迎回家」嘅，竟然唔係你最熟悉嘅親人，而係同佢一模一樣嘅複製人！？呢個喺春日部流傳嘅都市傳說，亦成為小新佢哋之間嘅話題…
某日野原一家去超級市場購物，一個非常溫柔嘅美冴突然出現喺走失咗嘅小新面前，仲話會買零食畀小新…原來呢個奇怪嘅美冴係可怕嘅複製人！正當小新面臨危險之際，來自SRI嘅搜查員費妮及時出現，拯救小新脫離危機。從費妮口中得知，原來大部分春日部居民喺不知不覺間已經被複製人取代！費妮帶住野原一家同春日部防衛隊逃亡，竟然被誘導至複製人大本營。到底複製人嘅目的係咩？幕後黑手又係邊個？為咗守護家人、朋友同春日部，一場精彩嘅Dance Battle即將開始！
《蠟筆小新劇場版：傳說召喚 Amigo！森巴入侵計畫》
原作：臼井儀人（らくだ社）
導演：武藤裕治
編劇：原平隨了
語言：日語原聲及粵語配音
字幕：繁體中文
片長：90分鐘
類型：動畫、喜劇