從《全民造星IV》中相互認識後自組成為團隊的 Lolly Talk ，成員包括Ah Yo（郭曉妍）、Elka（鄭芷淇）、Meimei（曾美欣）、Sinnie（吳倩怡）、Tania（陳紀澄）、Yanny（劉綺婷）、阿蛋（黃詠霖）、妹（黃敏蕎），繼成立YouTube channel、為電競比賽主唱主題曲《8SEC》後，八女子得到樂迷意外的支持和鼓勵，為答謝樂迷，鼓起勇氣正式推出首支派台歌《三分甜》 Lolly Talk 《三分甜》 Official Music Video ，以女團身分出道，首播24小時已突破15萬收看次數。
《三分甜》由Lolly Talk成員Sinnie作曲、新晉填詞人雷暐樂填詞，編曲監製同樣是Chick Chan（阿雞 陳紀泓）。創作時，Sinnie認為既然Lolly Talk相信自己寫的歌曲的魅力，作為第一首派台歌，需要為Lolly Talk度身訂造一首跟八女子一樣青春活力的歌曲。雖然demo只有國語詞和錯文法的日文詞，但在Lolly Talk的Staycation中Sinnie分享了《三分甜》的demo，大家當時都已經話起曬雞皮。
在一次YouTube Live中Lolly Talk首次獻唱了《三分甜》，不少樂迷以為《三分甜》是由Sinnie填詞，原來是因為這首歌的歌詞非常的「Lolly Talk」日常，非常有愛。Sinnie笑說：「呢個都係我搵雷暐樂填詞嘅原因。之前佢曾經為我寫左《下雨時我會想着你帶給我的天晴》份詞，完全feel到佢嗰顆少女心，合填《8SEC》時都發現原來佢留左意外嘅彩蛋俾我，所以我覺得佢一定會填得好中。我嗰陣淨係同佢講，我地想呢首係講我地嘅友誼，同埋我想keep demo入邊三分甜嘅concept；收到歌詞之後我邊唱demo邊喊，其他成員聽完廣東話demo又係起雞皮又係喊曬咁，第二日見面嘅時候已經聽到熟曬識唱，真係好鍾意。」三分甜的概念就是希望Lolly Talk帶給大家的甜度不是多糖，也不是走甜，而是健健康康的三分甜；即使生活總要有七分苦澀無味，Lolly Talk尚有三分甜可以送給一路上支持她們的人。
至於MV故事嘅概念來自中學last day，因此Lolly Talk亦重返校園進行拍攝。兩位成員Ah Yo和妹亦是今年的DSE考生，對於這個故事額外深感受，妹說：「其實中學last day給我的感覺一開始也不太強烈，但慢慢發現快要畢業禮了，然後拍新歌mv時更加令我意識到真係最後喇，之後可能想再回味都冇喇。即係好似我地放飯大家好隨意喺禮堂搬啲檯檯凳凳坐埋一齊食飯吹水，呢件事好自然，令我諗起大家好似真係變成左我嘅中學同學；同Jaime（張天穎）喺band房唱歌跳舞嘅片段都好似曾相識，因為我喺學校都成日同同學一齊喺活動室打躉休息，好有共鳴。但係呢個MV都令我更加唔捨得我嘅中學回憶。」除左獨立音樂人Jaime之外，MV亦邀請來其他造星、幕前和音樂朋友出演，包括何佩（何佩婷）、Kinki（盧芷韻）、波仔（YouTuber Boris）、MAD（曾嘉兒）、晚安莉莉的阿雞、小伍、水金、政，可見大家的友誼都不錯呢！
Lolly Talk
Youtube: https://www.youtube.com/c/LollyTalkHK
Instagram: https://www.instagram.com/lolly.talk/
