等到頸都長埋嘅《劇場版 蒼藍鋼鐵戰艦Cadenza》終於有消息啦！ 片商 Neofilms 今日係 facebook 展示電影宣傳海報並宣佈《劇場版 蒼藍鋼鐵戰艦Cadenza》將於 2016年1月14日(星期四) 正式上映，而且更只有MCL德福戲院獨家上映。其實日本方面係 3 月就會出 BD/DVD，不過有網友就話遲到好過冇到，始終係戲院睇既感覺係唔同啲嘅！
同上次一樣，只要購買1月14日或15日戲票就可獲贈製作團隊的迷你簽名板，全套簽名板共13款，包括原作者 Ark Performance、人物設計 森田和明、榛名聲優 山村響及3DCG動畫總監 鈴木大介繪畫的迷你簽名板。凡親臨戲院、網上或手機App購票一張可獲贈簽名板一張，贈品將於入場時派發，款式隨機贈送。
戲票已經開始預售中，1月14日及15日各三場，共六個場次，票價$80。網上購票︰http://goo.gl/FWS4Im