等咗咁耐終於有新一輪主舞台消息啦！今屆C3HK2016請到日本女子偶像團體SKE48其中6位成員係C3第一日（2月19日 星期五）來到主舞台演出，6位成員分別係 Team S 嘅大矢真那、北川綾巴、野島樺乃， Team KII 嘅江籠裕奈，以及 Team E 嘅後藤楽々及柴田阿弥。留意返對上一次請到SKE48出席C3HK已經係2014年嘅事，闊別C3兩年今次再來各位fans要把握機會啦！
SKE48 コップの中の木漏れ日＜初回限定盤 Type-B＞ CD封面
以往兩年都有同《高達》有關嘅舞台Talk show，今年亦都唔少得港台日最新播映嘅《機動戰士高達：鐵血的孤兒》節目！C3HK主辦公佈，聲演主角的兩位聲優河西健吾及細谷佳正將會出席C3第三日（2月21日 星期日）主舞台「”MOBILE SUIT GUNDAM: IRON-BLOODED ORPHANS” Special Stage」節目，同大家近距離交流，分享高達嘅最新情報！
河西健吾(左) 及 細谷佳正(右)
詳情及最新消息請留意C3公佈及本站消息。